काठमाडौँ असार २७ । धरान स्थित विपि कोईराला स्वास्थ्य विज्ञान प्रतिष्ठानमा भ्रष्टाचार, अनियमितता र विकृति बढीरहेका बेला त्यसको सुधारको माग गर्दै आज नागरिक आन्दोलनले सिंहदरबारमा धर्ना दिने भएको छ । आज ११ बजे धर्ना दिने तयारी भएको आन्दोलनले जनाएको छ ।
प्रतिष्ठानमा मौलाएको बेथिति र सरकारको चरम लापरबाही सार्वजनिक संस्थानहरूमा देखिएको शासकीय अक्षमताको ठोस उदाहरण भएको बृहत नागरिक आन्दोलनको ठहर छ ।
दलीयकरण र त्यसले निम्त्याएको वेतिथिले विपीमा अहिलेको अवस्था आएको र त्याहाँ आन्दोलनरत चिकित्सक, विद्यार्थी एवं कर्मचारीप्रति ऐक्यवद्धता जनाउन पनि आज धर्ना लिन लागिएको हो ।
प्रतिष्ठानमा उपकुलपति ज्ञानेन्द्र गिरी, निर्देशक गौरी शंकर चौधरी लगायतकाले चरम अनियमितता, भ्रष्टाचार गरेको भन्दै सबै पदाधीकारीले राजीनामा दिनु पर्ने माग गर्दै आन्दोलन थालेका थिए ।