एजेन्सी । युरोकप फुटबलका क्वाटरफाइनल खेलहरु आजबाट हुनेछन् । आज बेलुकी पौने १० बजे हुने पहिलो क्वाटरफाइनल खेलमा स्पेन र स्विट्जरल्याण्ड भिड्नेछन् ।

यो खेल रुसको सेन्ट पिटर्सवर्गमा हुनेछ । राउण्ड अफ सिक्सटिनमा क्रोएसियालाई अतिरिक्त समयमा ५–३ ले हराउँदै स्पेन क्वाटरफाइनलमा पुगेको हो ।

स्विटजरल्याण्डले भने प्रि क्वाटरफाइनलमा विश्वकप विजेता फ्रान्सलाई टाई ब्रेकरमा हराएको थियो । क्वाटरफाईनलको दोस्रो खेलमा आज राति पौने १ बजे इटाली र बेल्जीयम भिड्नेछन् ।

यो खेल जर्मनीको म्युनिखमा हुनेछ । राउण्ड अफ सिक्सटिनमा अष्ट्रियालाई हराउँदै इटाली तथा पोर्चुगललाई हराउँदै बेल्जियम क्वाटरफाइनलमा पुगेका हन् ।

युरोकपका अन्य दुई क्वाटरफाइनलमा भोली राति चेक रिपब्लिक र डेनमार्क तथा युक्रेन र इंग्ल्याण्ड भिड्नेछन् ।

यू–१९ एसिया कपः युएईसँग नेपाल सात विकेटले पराजित

यू–१९ महिला क्रिकेट प्रतियोगिताको उपाधि नेपाललाई

एनपिएलको प्रभावः पर्यटक प्रवर्द्धनमा सकारात्मक प्रभाव पर्ने अपेक्षा

एनपीएल: डेभिड मिलरको अविजित ९३ रनका बावजुद कर्णालीलाई सुदूरपश्चिमले हरायो

काठमाडौं गोर्खाजको सानदार जित, विराटनगर ९ विकेटले पराजित

एनपिएलमा नेपाली खेलाडीको ‘ब्याटिङ’ र ‘बलिङ’ दुवैतर्फ चमक