काठमाडौं । शेयर बजार आज पनि ओरालो लागेको छ । दिनभर उतारचढाव आएको बजार परिसूचक ‘नेप्से’ ४ अंकले घटेर २ हजार ८ सय २३ अंकमा थामिएको छ ।
यसदिन विकास बैंक १ सय ३६ र फाइनान्स १ सय १८ बढ्दा जीवन बीमा समूह १ सय १२ अंकले घटेको छ । ६ वटा समूह हरियो हुँदा ७ वटा समूह राताम्मे बने ।
यसदिन फाइनान्स कम्पनीहरूमा सकरात्मक सर्किट लाग्दा हाइड्रोपावर र लघुवित्तहरूको शेयरमा भारी गिरावट आएको छ । पोखरा, सेन्ट्रल, नेपाल, मल्टिपर्पोज र प्रोजेसिभ फाइनान्सका शेयर मूल्यमा बुधबार सकारात्मक सर्किट लागेका छन् ।
यस्तै खानीखोला हाइड्रो, गणपति माइक्रोफाइनान्स, हाइड्रोइलेक्ट्रिसिटी इन्भेस्टमेन्ट एण्ड डेभलपमेन्ट कपम्नी लगायका लगानीकर्ताले सबैभन्दा बढी गुमाएका छन् ।
बुधबार २ सय २० कम्पनीको १ करोड ६२ लाख ४८ हजार १ सय कित्ता शेयरको किनेबेच हुँदा ५ अर्ब ८३ करोड ८५ लाख ५१ हजार ४ सय ३५ रुपैयाँको कारोबार भएको छ ।
