अनामनगरको पूवीगेट अगाडिको सरकारी जग्गा कब्जा गरेर बनाईएको टहरा महानगरले भत्कायो, अबरोध गर्ने पक्राउ

अनामनगरको पूवीगेट अगाडिको सरकारी जग्गा कब्जा गरेर बनाईएको टहरा महानगरले भत्कायो, अबरोध गर्ने पक्राउ

  • सोमवार, असार १४, २०७८
  • मिर्मिरे अनलाइन

  • 9.3K
    SHARES

काठमाडौँ, १४ असार । काठमाडौंको अनामनगरस्थित पूर्वी गेटअगाडिको सरकारी जग्गा कब्जा गरि बनाईएको टहरा नगरप्रहरीले भत्काएको छ ।  सार्वजनिक जग्गा कब्जा गरी काठमाडौँ महानगरपालिकासँग समेत समन्वय नगरी टहरा बनाएर विभिन्न गतिविधि गरेको भन्दै काठमाडौँ महानगरपालिकाले ती टहरा हटाइदिएको हो ।
काठमाडौँ महानगरपालिकाका प्रमुख प्रशासकीय अधिकृत राजेश्वर ज्ञवालीले सार्वजनिक जग्गालाई खुला छाड्ने र हरियाली पार्क निर्माण गर्ने योजना अनुसार सार्वजनिक जग्गामा बनाएका टहरा काठमाडौँ महानगरपालिका व्यवस्थापनको निर्णय अनुसार नै हटाइदिएको जानकारी दिनुभयो । ‘हामीलाई जानकारी भए अनुसार करीब एक वर्षदेखि ‘हाम्रो टिम नेपाल’ समूहका साथीहरुले त्यहाँ टहरा बनाउनु भएको रहेछ,’ ज्ञवालीले भन्नुभयो, ‘स्थानीयको माग अनुसार त्यहाँ हरियाली पार्क निर्माण गर्नका लागि ड्रोइङ–जिडाइन तयारी अवस्थामा छ । हामीले काम अघि बढाउन उहाँहरुलाई पटक–पटक त्यहाँका संरचना हटाउन आग्रह गर्दा पनि अटेर गरेपछि आज हटाएका हौँ ।’
काठमाडौँ महानगरपालिकाका नगर प्रहरी प्रमुख एसपी धनपती सापकोटाले पनि पटक–पटक उहाँहरुलाई आग्रह गर्दा अटेर गरेपछि बाध्य भएर हटाउनु परेको जानकारी दिनुभयो । ‘उहाँहरुको अभियानप्रति हाम्रो विमती छैन,’ सापकोटाले भन्नुभयो, ‘तर, अभियानका नाममा सरकारी जग्गा कब्जा गर्ने अनि पार्क निर्माण गर्ने, हरियाली बढाउने हाम्रो अभियानमा अवरोध गर्दै उल्टै अटेर गर्ने कुरा उचित होइन ।’
हामीले उहाँहरुलाई पटक–पटक आग्रह गरेका छौँ । तर, उहाँहरुले हाम्रो आग्रहलाई बेवास्था गरेपछि बाध्य भएका हौँ ।’
उहाँले पनि अब त्यो स्थानमा हरियाली पार्क निर्माण हुने बताउनुभयो ।

टहरा हटाउने क्रममा झडप समेत भएको थियो । सो क्रममा १८ जनालाई पक्राउ गरेको महानगरीय प्रहरी परिसर काठमाडौँका प्रमुख अशोक सिंहले जानकारी दिए।

काठमाडौँ महानगरपालिकाले सार्वजनिक जग्गा खाली गराउन पटक पटक गरेको आग्रह अस्वीकार गरेपछि महानगरले टहरा भत्काउने क्रममा अबरोध गर्न खोजेपछि उनीहरुलाई पक्राउ गरिएको बताईएको छ ।

पक्राउ पर्नेमा हाम्रो टिम नेपालका अभियन्ता विमल पन्त सहित छन्। निषेधाज्ञाको समयमा हाम्रो टिम नेपालले खाली जग्गामा अस्थायी संरचना निर्माण गरेर विपन्न नागरिकलाई खाना खुवाउने काम गर्दै आएको थियो।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ