असार १० काठमाडौं । विपक्षी गठबन्धनमा आवद्ध दलका विद्यार्थी संगठनहरुले आज काठमाण्डौमा प्रदर्शन गर्ने भएका छन् ।
नेविसंघ, अखिल क्रान्तिकारी, अनेरास्ववियु, समाजवादी विद्यार्थी युनियन र अखिल छैटौंले बिहीबार दिउँसो ३ बजे काठमाडौंको भृकुटीमण्डपमा भेला भएर संयुक्त विरोध प्रदर्शन गर्न लागेको नेबिसंघ महामन्त्री बलदेव तिमल्सिनाले जानकारी दिए ।
सरकारले कोरोना कहरको मारमा परेका जनतालाई राहत दिनुको सट्टा कुशासन, महँगी र भ्रष्टाचार थोपरिरहेकाले सरकारका सबै जनबिरोधी गतिविधि लगाएत हिजो मात्र पेट्रोलियम पदार्थामा गरिएको चर्को मुल्यबृद्धी बिरुद्ध विरोध प्रदर्शनमा उत्रिन उनले बताए ।
हिजो मात्रै पाँच विपक्षी दलले सरकार बिरुद्ध संविधान र लोकतन्त्रको रक्षाका लागि जनपरिचालन गर्ने निर्णय गरे लगत्तै आज विद्यार्थीहरुले प्रदर्शन गर्न लागेका हुन् ।
गठबन्धनमा काँग्रेस, माओवादी केन्द्र, एमाले माधव समुह, जसपा यादव समुह र जनमोर्चा रहेका छन् ।