३ असार, एजेन्सी । इटाली युरोकप फुबटलको नक आउट चरण्ममा प्रवेश गरेको छ ।
रोममा भएको समुह चरणको दोस्रो खेलमा घरेलु टोली इटालीले स्विटजरल्याण्डलाई ३–० ले पराजित गरेको हो ।
इटालीको जितमा म्यानुएल लुकाटोलीले दुई गोल गरेभने सिरो ईमोबिलले एक गोल थपे । लगातार दुई जितसहित समुह ‘ए’ मा ६ अंक जोडेको इटालीले एक खेल अगाबै नक आउट चरणमा स्थान पक्का गरेको हो ।
समुहको अर्को खेलमा टर्कीलाई २–० ले हराउँदै वेल्सले पनि अर्को चरणको संभावना बलियो बनाएको छ ।
वेल्सको जितमा आरोन राम्से र कोनोर रोबर्ट्सले एक एक गोल गरे । त्यसअघि भएको समुह ‘बि’ को खेलमा रुसले फिनल्याण्डलाई १–० ले हराएको थियो ।
युरोकपमा आज पनि तिन खेल हुनेछन् । समुह ‘बि’ को खेलमा डेनमार्क र बेल्जीयम भिड्नेछन् ।
यो खेल नेपाली समय अनुसार वेलुकी पौने १० बजे डेनमार्ककको कोपन हेगनमा हुनेछ ।
साँझ पौने ७ बजे रोमानियाको बुकारेष्टमा समुह ‘सि’ को युक्रेनले उत्तरी मेसेडोनियासँग खेल्दा राती पौने १ बजे नेदरल्याण्ड्सको एम्सटरडममा घरेलु टोलीले अष्ट्रियासँग खेल्नेछ ।
