असार १, काठमाडौं । लगातार उकालो लागिरहेको शेयर बजारमा आज सामान्य करेक्सन भएको छ ।
सोमवार हालसम्मकै उच्च ३ हजार २५ दशमलव ८२ विन्दुमा बन्द भएको बजार मंगलवार ३ दशमलव ७२ अंकको केक्सनपछि ३ हजार २२ दशमलव १० विन्दुमा झरेको हो ।
हजार ६१ दशमव ८१ विन्दुदेखि खुलेको मंगलवारको बजार ३ हजार ६४ दशमलव शून्य ७ विन्दुसम्म पुगेको थियो । यस दिन ३ हजार १३ दशमलव ८८ विन्दुसम्म बजार झरेको थियो ।
नेप्से परिसूचकमा सामान्य करेक्सन आएको दिन सेन्सेटिभ इन्डेक्स भने शून्य दशमलव २५ अंक बढेर ५५० दशमलव २६ विन्दुमा पुगेको छ ।
सामान्य अंकको करेक्सन भएको दिन मंगलवार कारोबार रकम पनि घटेको छ । सोमवार करीब १९ अर्बको शेयर कारोबार भएकोमा मंगलवार रू.१६ अर्ब ५२ करोड ८७ लाख ४९ हजार बराबरको ३ करोड ९ लाख ४८ हजार ८५३ कित्ता शेयर कारोबार भएको छ । यो कारोबार २२६ ओटा कम्पनीको १ लाख ६४ हजार ७९० पटकको व्यापारमा भएको हो ।
मंगलवार सर्वाधिक रकमको शेयर कारोबार नेपाल पुनर्बीमा कम्पनीको भएको छ । उक्त कम्पनीको रू। ७६ करोड ३० लाख ९७ हजार बराबरको शेयर कारोबार भएको हो । यो दिन उक्त कम्पनीको शेयरमूल्य ३ दशमलव ३२ प्रतिशत अर्थात् प्रतिकित्ता रू। ६२ ले बढेर अन्तिम मूल्य रू। १ हजार ९३० कायम भएको छ ।
मंगलवार अन्य समूहको परिसूचक सर्वाधिक ३ दशमलव ९९ प्रतिशतले बढ्दा लगानी समूहको २ दशमलव शून्य ७ प्रतिशत, उत्पादन तथा प्रशोधन समूहको १ दशमलव १४ प्रतिशत, होटल्स तथा पर्यटनको १ दशमलव ५ प्रतिशत र म्युचुअल फण्ड समूहको शून्य दशमलव ३५ प्रतिशत परिसूचक बढेको छ ।
यस दिन विकास बैंक र वित्त समूहसँगै जलविद्युत समूहका लगानीकर्ताहरुले अरुभन्दा बढी गुमाएका छन् । विकास बैंक समूहको परिसूचक सर्वाधिक ४ दशमलव ४२ प्रतिशत, वित्तको ३ दशमलव २९ प्रतिशत र जलविद्युतको २ दशमलव ८ प्रतिशत परिसूचक घटेको छ ।
त्यस्तै यो दिन बैंकिङ्गको शून्य दशमलव ३४ प्रतिशत, व्यापारिकको शून्य दशमलव २७ प्रतिशत, निर्जीवन बीमाको शून्य दशमलव शून्य १ प्रतिशत, लघुवित्तको शून्य दशमलव ७३ प्रतिशत र जीवन बीमाको शून्य दशमलव शून्य ६ प्रतिशत परिसूचक घटेको हो ।
यस दिन तीन ओटा जलविद्युत् कम्पनीको शेयरमूल्य सर्किट लेभलमा बढेको छ । सीईडीबी हाइड्रोपावर डेभलपमेण्ट कम्पनीको ९ दशमलव ८८ प्रतिशत, खानीखोला हाइड्रोपावरको ९ दशमलव ८२ प्रतिशत र युनियन हाइड्रोपावरको शेयरमूल्य ९ दशमलव ७८ प्रतिशत बढेको छ ।
