चौंरीदेउरालीले अक्सिजन प्लान्टको लागि रु. १० लाख विनियोजन, अध्यक्ष गौतमद्वारा गाउँबासीमा सहयोगको अपिल

चौंरीदेउरालीले अक्सिजन प्लान्टको लागि रु. १० लाख विनियोजन, अध्यक्ष गौतमद्वारा गाउँबासीमा सहयोगको अपिल

  • सोमवार, जेष्ठ ३१, २०७८
  • मिर्मिरे अनलाइन

  • 6.9K
    SHARES

काभ्रे, ३१ जेठ । काभ्रे जिल्लाको चौंरीदेउराली गाउँपालिकाले अक्सिजन प्लान्ट निर्माणका लागि १० लाख रकम विनियोजन गरेको छ । गाउँपालिकाद्वारा सञ्चालित धुसेनी शिवालय प्राथमिक अस्पतालमा अक्सिजन प्लान्ट स्थापना गर्नका लागि उक्त रकम विनियोजन गरिएको हो ।
प्लान्ट निर्माणका लागि गाउँपालिकाले मात्र नसक्ने भएकोले प्लान्ट निर्माणका लागि गाउँपालिका अध्यक्ष दिननाथ गौतमले गाउँबासीमा सहयोगको अपिल समेत गरेका छन् ।
गाउँबासीलाई सम्बोधन गर्दै जारी गरेको विज्ञप्तिमा भनिएको छ, ‘कोरोना उपचारको लागि प्राणवायु (अक्सिजन) अति नै आवश्यक रहने र महामारीको संक्रमण तिव्र रुपले फैलँदा अक्सिजन प्राप्त गर्न असाध्यै कठिन भएको हाम्रो आफ्नै प्रत्येक्ष अनुभवले हामीले संचालन गरेको अस्पतालको लागि अक्सिजन प्लान्ट नै राख्नु पर्ने अनिवार्य आवश्यकता ठहर गरेको हुँदा गाउँपालिकाले रु १०,००,०००। (अक्षेरुपी दश लाख मात्र) खातामा विनियोजन गरी जनस्तरबाट समेत सहयोग लिने र अक्सिजन प्लान्ट स्थापना गर्ने निर्णय समेत गरिसकेकोले देश विदेश र गाउँमै समेत रहेर विभिन्न पेशा व्यवसाय गरिरहनु हुने सहयोगी मनका दाजुभाई, दिदीबहिनीहरु, शिक्षक, कर्मचारी, बुद्धिजीवि, निर्माण व्यवसायी, व्यापारी, उद्योगी लगायत विभिन्न सामाजिक संघ संस्थाहरु सबैबाट आ–आफ्नो क्षमता र हैसियत अनुसारको जे जति सकेको सहयोग गरीदिनुहुन हार्दिक अनुरोध गर्दछौं ।’
यस अघि गाउँपालिकाका देश विदेशमा रहेका गाउँबासीसँग जुम मिटिङ गरी प्लान्ट स्थापना गर्न गाउँपालिका अध्यक्ष गौतमलाई सुझाव दिनुको साथै सक्दो सहयोग गर्ने बचन दिएका थिए ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ