गण्डकी प्रदेशका मुख्यमन्त्री पृथ्वी सुव्वा गुरुगंले विस्वासको मत नपाएपछि आव्हान भए अनुसार विपक्षी दलहरुले बहुमत सांसदको हस्ताक्षर सहित सनाखत गरेर प्रदेश प्रमुख समक्ष बुझाए पनि आज सरकार गठन हुन सकेन ।
प्रदेश प्रमुख सीता कुमारी पौडेलले भोली हेरौँला भन्दै सांसदहरुलाई विदा गरेकी थिईन् ।
पौडेलकै सामुन्नेमा ३१ जना सांसदहरु शसरीर उपस्थित भएका थिए ।
काँग्रेस संसदीय दलका नेता कृष्ण चन्द्र नेपाली पोखरेललाई मुख्य मन्त्री बनाउन माग गर्दै काँग्रेस, माओवादी केन्द्र जसपा, जनमोर्चा र स्वतन्त्र सांसद दीपक मनागें पुगेका थिए ।
शनिबार मात्रै प्रदेश प्रमुखले दिएको समय सकिने भएकाले त्यतिखेर सम्म अध्ययन गरेर निर्णय दिने आशयमा प्रदेश प्रमुखले कुरा गरेको हुन सक्ने आकंलन गरिएको छ ।
तर मुख्यमन्त्री पद स्वतः भ्याकुम रहेको अवस्थामा बहुमत पुग्नासाथ किन नियुक्त गरिएन भन्दै काँग्रेस नेताहरुले प्रश्न गरेका छन् ।