जेठ २५, काठमाडौं । दिन दिनै नयाँ उचाईतिर गईरहेको शेयर बजारले आज पनि नयाँ ऐतिहासिक रेकर्ड बनाएको छ ।
नेप्से ३००० विन्दु नजिक पुगेको छ। यसले लगानीकर्ताहरुमा ठूलो उत्साह पैदा गराएको छ ।
नेप्से परिसूचक आज ५३.४४ अंक बढेर २९६०.१४ विन्दुमा पुगेको छ। यो अहिले सम्मकै उच्च विन्दु हो। त्यसैगरी, यस दिन सेन्सेटिभ इण्डेक्स ७.४७ अंक बढेर ५२८.१० विन्दुमा पुगेको छ। मंगलबार फ्लोट इण्डेक्स ३.९४ अंक बढेर २०५.२२ विन्दुमा र सेन्सेटिभ फ्लोट इण्डेक्स ३.२८ अंक बढेर १७६.०८ विन्दुमा पुगेको छ।
यस दिन २१७ कम्पनीको १ लाख ४८ हजार ५०४ पटकको कारोबारमा १६ अर्ब ८३ करोड ३४ लाख ५८ हजार रुपैयाँ बराबरको ३ करोड ५४ लाख ४४ हजार कित्ता शेयर खरिदबिक्री भएको छ।
नेप्सेले नयाँ अलटाइम हाइ बनाएको दिन ३० भन्दा बढी कम्पनीको शेयर सकारात्मक सर्किट लेभलमा कारोबार भएको छ। जसमध्ये मुक्तिनाथ विकास बैंक, ग्रीन डेभलपमेन्ट बैंक, गोर्खाज फाइनान्स, जेबिल्स फाइनान्स, हिमालयन जनरल इन्स्योरेन्स, सांग्रीला डेभलपमेन्ट बैंक, समृद्धि फाइनान्स र श्री इन्भेष्टमेन्ट एण्ड फाइनान्सको शेयरमूल्य १० प्रतिशत बढेको छ। कारोबारमा आएको मेरो माइक्रोफाइनान्सको शेयरमूल्य सर्वाधिक ४.९७ प्रतिशत घटेको छ।
