जेठ ११ दाङ । दाङमा एकै दिन तीन जनाको वेवारीसे शब फेला परेको छ । निषेधाज्ञाको समयमै घोराही उपमहानगरपािलका वडा नं. ७ सौडियारमा रहेको खाली जग्गामा रहेको आँपको रुखको एउटै हाँगोमा पासो लागेर रेख बहादुर घर्ती र नाम ठेगाना नखुलेकी युवतीले आत्महत्या गरेका छन् । रेख बहादुर ३० वर्षको रहेको र अन्दाजी २५ वर्ष माथिकी ती युवतीको नाम ठेगाना केही नखुलेकाले प्रहरीले चिन्ने जान्नेलाई खबर गर्न अनुरोध गरेको छ ।
उनीहरुको मृत्युको थप कारण खुलिसकेको छैन भने शब पोष्टमार्टमका लागि राप्ती स्वास्थ्य विज्ञान प्रतिष्ठानमा राखिएको छ ।
यसै गरी घोराही ८ बुन्द्रा स्थित कुमार चौधरीको घरमा एक बर्षदेखि बस्दै आएका कपिलवस्तुका गोपाल गुरुगंले पनि कुवामा खसेर ज्यान गुमाएका छन् । राति साढे १ बजे घर नजिकैको पानी कुवामा उनी खसेको खबर स्थानीयले प्रहरीलाई गरेको थियो । जसका आधारमा पुगेको टोलीले अचेत अवस्थामा उनको उद्धार गरे पनि उनको मृत्यु भएको थियो ।