जेठ ११ काठमाण्डौं । पूर्व सभामुखहरुले प्रधानमन्त्री केपी शर्मा ओली संसदप्रति इतिहासमै सबैभन्दा अनुदार प्रधानमन्त्री रहेको र संसद विघटन गरेर अपराधपूर्ण कार्य गरेको धारणा सार्वजनिक गरेका छन् ।
सभामुखले आज आयोजना गरेको अन्तरक्रियामा बोल्दै उनीहरुले यस्तो धारणा राखेका हुन् ।
सरकारले दोश्रो पटक प्रतिनिधिसभा भंग गरेर मध्यावधि निर्वाचन घोषणा गरेपछि सभामुख सापकोटाले पूर्व सभामुखहरूसँग परामर्श लिने क्रममा आज छलफल भएको हो ।
जुन संसदमा प्रधानमन्त्रीमा नियुक्त भए त्यही संसदलाई देखिनसक्ने प्रधानमन्त्री ओलीले दुई दुई पटक संसद भंग गरेर इतिहासमै सबैभन्दा ठ्रलो अपराधपूर्ण काम गरेको उनीहरुले बताएका छन् ।
बैठकमा सभामुख अग्निप्रसाद सापकोटा, पूर्व सभामुखहरू रामचन्द्र पौडेल, तारानाथ रानाभाट, ओनसरी घर्ती, कृष्णबहादुर महरा सहभागी रहेका थिए । एमालेका सुवास नेम्वाङ भने यो परामर्शमा सहभागी छैनन् ।