एजेन्सी, ९ जेठ । सिजनको आफ्नो अन्तिम खेलमा रियल भालाडोलिडलाई पराजित गर्दै एट्लेटिको मड्रिडले स्पेनिस ला लिगा फुटबलको उपाधि जितेको छ ।
शनिबार राति भएको खेलमा भालाडोलिडलाई २ १ गोल अन्तरले पराजित गर्दै एट्लेटिकोले उपाधि जितेको हो ।
भालाडोलिडको मैदानमा एट्लेटिकोलाई जित दिलाउन एन्जल कोरेया र लुइस सुआरेजले एक एक गोल गरे । भालाडोलिड ओस्कार प्लानोले एक गोल फर्काए ।
खेलमा सुरुवाती अग्रता भने भालाडोलिडले बनाएको थियो । ओस्कारले खेलको १८ औं मिनेटमा घरेलु टोलीलाई अग्रता दिलाएका थिए ।
तर, खेलको ५७ औं मिनेटमा कोरेयाले गोल गर्दै रियललाई १(१ गोलको बराबरीमा फर्काए । खेलको ६७ औं मिनेटमा सुआरेजले एकल प्रयासमा गोल गर्दै एट्लेटिकोलाई २(१ को जित दिलाए ।
यस जितसँगै एट्लेटिकोले ३८ खेलमा ८६ अंक जोड्यो । रियल मड्रिडलाई २ अंकले पछि पार्दै एट्लेटिकोले उपाधि जितेको हो ।
दोस्रो स्थानको रियलले ८४ अंक जोड्यो । भालाडोलिड भने रेलिगेसनमा परेको छ । भालाडोलिडले ३८ खेलमा ३१ अंक जोड्यो ।
एट्लेटिकोले ७ वर्षपछि ला लिगाको उपाधि जितेको हो । पछिल्लो पटक एट्लेटिकोले सन् २०१४ मा उपाधि जितेको थियो । एट्लेटिकोको यो ११ औं ला लिगा उपाधि हो ।
