जेष्ठ २, काठमाण्डौं । अन्तराष्ट्रिय बजारमा बढिरहेको पेट्रोलियम पदार्थको मुल्यवृद्धिको असर नेपालमा पनि परीरहेको छ । आज पुनः आयल निगमले पेट्रोलियम पदार्थको मुल्यवृद्धि गरेको छ । आजै राति १२ बजेदेखि लागू हुनेगरी पेट्रोल, डिजेलरमट्टितेल तथा हवाई इन्धन (आन्तरिक उडान) को साविकको खुद्रा बिक्री मूल्यमा प्रतिलिटर २ रुपैयाँले बढाइएको हो । अब पेट्रोल १ सय २३, डिजेलर मट्टितेल १ सय ६ र हवाई इन्धन ७८ प्रतिलिटर उपभोक्ताले तिर्नुपर्ने छ ।
निगमले एलपी ग्यास तथा अन्तर्राष्ट्रिय उडानको लागि प्रयोग गरिने हवाई इन्धनको खुद्रा बिक्री मूल्य भने यथावत राखेको प्रवक्ता विनितमणि उपाध्यायद्वारा जारी विज्ञप्तिमा उल्लेख छ ।
मूल्यवृद्धि गरेको अवस्थामा समेत निगमलाई प्रतिलिटर पेट्रोल ८ रुपैयाँ ५६ पैसा, डिजेलमा ४ रुपैयाँ ४६ पैसा, ग्यासमा प्रतिसिलिन्डर ३ सय ७५ रुपैयाँ १३ पैसा घाटा रहेको दाबी गरिएको छ ।
यसरी पाक्षिक रुपमा निगम अझै पनि १ अर्ब २० करोड घाटामा रहेको छ ।
