जेष्ठ १ लमही । ग्लोवल आई.एम.ई बैंक लिमिटेड लमही शाखाले आफ्नो संस्थागत सामाजिक उत्तरदायित्व अन्तर्गत लमही नगरपालिकाले संचालनमा ल्याएको कोरोना संक्रमित विरामीका लागि सन्चालीत आईसोलेसन सेन्टरका लागि विभिन्न स्वास्थ्य सामग्री हस्तान्तरण गरेको छ ।
स्वास्थ्य सामग्रीको अभावमा प्लासटिक ओडेर स्वास्थ्य कर्मिले सेवा प्रदान गरेको समाचार भरखरै वाहिरिएको थियो । कोरोना संक्रमणको दास्रो लहर फैलिए सगैं थेगीनसक्ने विरामी बढेपछि यस क्षेत्रमा स्वास्थ्य सामग्री अभावमा पनि स्वास्थ्य कर्मिले सेवा प्रदानगर्न वाध्य थिए ।
लमही नगरपालिकाका मेयर र प्रशासनका कर्मचारीको उपस्थितिमा लमही नगरपालिकालाई पिपिई, सेनिटाईजर, मास्क, फेस सिल्ड, सोडियम हाईपोक्लोराईट, अक्सिमिटर लगायत ७० हजार बराबरको स्वास्थ्य सामाग्री हस्तान्तरण गरिएको हो ।
सहयोग ग्लोवल आई.एम.ई बैंक लिमिटेड लमही शाखाका शाखा प्रवन्धक प्रदिप गौतम र घोराही शाखाका शाखा प्रवन्धक डिल्ली राज भुषालले सयुक्तरुपमा हस्तानतरण गरेका थिए । भर्खरै खोलेको ग्लोवल आई.एम.ई बैंक लिमिटेडको लमही शाखाले स्थानीय स्तरमा सेवा विस्तार र उत्तरदायित्वमा सक्रियता देखाएको छ ।
