बैशाख २७ काठमाडौं । नेपालमा कोरोना संक्रमण शुरु भए यता हाल सम्मकै सबै भन्दा धेरै एकैदिन १ सय ३९ जनाको मृत्यु भएको छ ।
स्वास्थ्य तथा जनसंख्या मन्त्रालयले जारी गरेको विवरणअुनसार एकैदिन १ सय ३९ जनाको मृत्यु भएको हो । यो तथ्याङ्क सीसीएमसी, नेपाली सेनाद्वारा कोभिड–१९ शव व्यवस्थापन तथ्याङ्कको आधारमा मृत्यु भएकाहरूको तथ्याङ्क भएको मन्त्रालयले जनाएको छ । यो सँगै कुल मृत्यु हुनेको संख्या ३ हजार ८५९ पुगेको छ ।
पछिल्लो २४ घण्टामा गरिएको १७ हजार ६२३ पीसीआर र ७ सय ८८ एन्टीजेन परीक्षणबाट देशभर ९ हजार २७१ जना संक्रमित थपिएका छन् । योसँगै देशभर कोभिड संक्रमितको संख्या ४ लाख ३ हजार ९४ पुगेको छ ।
आज थपिएका संक्रमितमध्ये ३ हजार ६०७ जना काठमाडौं उपत्यकामै भेटिएका छन् । जसमध्ये काठमाडौंमा सर्वाधिक २ हजार ७७५, ललितपुरमा ५ सय ५ र भक्तपुरमा ३ सय २७ जना छन् ।
देशभर एकदिनमा ४ हजार ७ जना निको भएर घर फर्किएका छन् । निको हुनेको संख्या संख्या ३ लाख ६ हजार ७९४ पुगेको छ । अहिले ९३ हजार १४१ जना सक्रिय संक्रमित रहेका छन् । ती मध्य धेरै जसो होम आईसोलेसनमा रहेका छन् ।