बैशाख २७ भोजपुर । विश्वव्यापी रुपमा फैलिरहेको कोरोना भाइरसले विश्व आक्रान्त भइरहेको बेला भोजपुरमा पनि कोरोना संक्रमितको संख्या दिन प्रतिदिन बढ्दो क्रममा रहेको छ । अहिले सम्म भोजपुरमा गरिएको १२५ जनाको पि.सी. आर परिक्षण गर्दा ४५ जनाको रिेपोटमा २४ जनामा कोरोना पोजेटिभ देखिएको हो । त्यसैगरी ११ जनाको एन्टीजेन्ट परिक्षण गर्दा ६ जनामा पोजेटिभ देखिएको छ ।
जसमा रामप्रसादराई गाउँपालिकाका १८ जना, भोजपुर नगरपालिकाका ५ जना, र टेम्केमैयुङ गाउँपालिकाका १ जना रहेका छन् । २४ संक्रमित मध्ये २० जना होम आइसुलेसन, १ जना विराटनगर र ३ जना भोजपुर जिल्ला अस्पतालमा उपचार गराइरहनु भएको छ । सबैजनाको स्वास्थ्य अवस्था सामान्य रहेको छ । आज मात्रै ३७ जनाको स्वाब संकलन गरी धनकुटा पठाइएको छ ।
कोरोना रोकथाम तथा नियन्त्रण गर्नका लागि आवश्यक पुर्वतयारी समेत गर्दै गरेको जिल्ला जनस्वास्थ्य कार्यालयका सुचना अधिकारी सुरेन्द्र बुढाथोकीले जानकारी दिनुभयो । उहाँका अनुसार जिल्ला भरी ७३ आइसुलेसन, ७५ वटा अक्सिजन सिलिण्डर तयारी अवस्थामा रहेका छन् भने षडानन्द नगरपालिकामा ५ वेडको कोभिड अस्पताल निर्माण तयारी भइरहेको छ । त्यसैगरी जिल्लामा रहेको जिल्ला अस्पताल र स्थानीय सिद्धकाली अस्पतालमा गरेर ८६ बेडहरु तयारी अवस्थामा रहेका छन् । र अझै परिक्षणको संख्या बढाउने तयारी रहेको उहाँले बताउनुभयो ।