बैशाख ५ काठमाण्डौ । लगातार बढिरहेको शेयर बजार यो साता कारोबारको पहिलो दिन दोहोरो अंकले झरेको छ ।
बजारमा आज ३५.८९ अंकको करेक्सन आएको हो। योसँगै नेप्से परिसूचक २६९९.५१ विन्दुमा झरेको छ। राम्रा र बलिया कम्पनीको सूचक सेन्सेटिभ इन्डेक्स पनि ६.२९ अंकले घटेर ४८६.१६ को विन्दुमा खुम्चिएको छ। कारोबार रकम भने झन्डै ९ अर्ब रुपैयाँबराबरको भएको छ।
आज नेप्से उपसमूहमा रहेका १३ वटा समूहमध्ये १२ वटामा रातो पोतिएको छ भने एउटामा मात्रै हरियाली छाएको छ।
यो दिन निर्जीवन बीमा समूह सर्वाधिक १८३.१९ अंकले ओरालो लागेको छ। व्यापार समूह १२५.३९ अंकले घटेको आज बैंकिङ समूहमा ३३.२९ अंक, होटेल तथा पर्यटन समूहमा ९२.७९ अंक, विकास बैंक समूहमा ४८.३ अंक, जलविद्युत समूहमा ३२.३८ अंक, वित्त समूहमा १६.०६ अंक, उत्पादन तथा प्रशोधन समूहमा ६७.८६ अंक, अन्य समूहमा २१.०१ अंक, लघुवित्त समूहमा ५०.३२ अंक, जीवन बीमा समूहमा १११.६२ अंक र लगानी समूहमा ०.६ अंकको गिरावट आएको छ।
यो दिन म्युचुअल फन्ड समूहमा ०.०६ अंकको बढोत्तरी भएको छ। आज नेप्सेमा सूचीकृतमध्ये २०७ कम्पनीका १ करोड ९५ लाख २८ हजार ६५६ कित्ता सेयर ८ अर्ब ८० करोड १८ लाख ३ हजार २१५ रुपैयाँमा कारोबार भएका छन्।
