पर्सा, ३० चैत । पर्साको कालिकामाई गाउँपालिका २ का ६० बर्षीय कोरोना संक्रमित पुरूषको उपचारको क्रममा भरतपुर अस्पतालमा मृत्यु भएको छ ।
आइतबार विहान १ बजे भरतपुर अस्पतालमा आएका उनको कोभिड आर्इसीयूमा उपचारका क्रममा मृत्यु भएको अस्पतालका फिजिसियन डा. प्रमोद पौडेलले जानकारी दिए । वीरगञ्जको नेशनल मेडिकलबाट उपचारका लागि भरतपुर रिफर गरिएको उनमा कडा निमोनियाको संक्रमण भएको थियो ।
उनको शव पर्सा नै लगिएको छ र नेपाली सेनाले अत्येष्टि गरेको छ ।
लिभरमा समस्या देखिएपछि उपचारका लागि भारत गएका उनलाई त्यही बेला कोरोना संक्रमण भएको हुनसक्ने आशंका गरिएको छ । उपचारका लागि उनीसँगै गएका श्रीमती र कान्छो छोरालाई गाउँमै क्वारेन्टिनमा राखिएको वडाध्यक्ष सोनालाल चौरसियाले जानकारी दिए ।
मृतकको आजै आफ्नै गाउँ गडवनिया घाटमा नेपाली सेना, सशस्त्र प्रहरी, नेपाल प्रहरी र वडा अध्यक्ष सोनालाल चौरसियाको रोहबरमा दाहसंस्कार गरिएको वडा अध्यक्ष चौरसियाले जानकारी दिनु भयो ।