चैत्र २१ काठमाण्डौं । नेपाली कांग्रेसका वरिष्ठ नेता रामचन्द्र पौडेलले प्रधानमन्त्री केपी शर्मा ओलीले राजीनामा नदिए कांग्रेसले संसदमा अविश्वासको प्रस्ताव लैजाने स्पष्ट गरेका छन् ।
नेपाली कांग्रेस नुवाकोटद्धारा काठमाडौंमा आयोजित कार्यक्रममा वरिष्ठ नेता पौडेलले प्रधानमन्त्री ओलीलाई अविस्वासको प्रस्ताव ल्याएर भए पनि हटाउने दाबी गरे । ओलीलाई नहटाउने हो भने लोकतन्त्र नै खतरामा पर्ने पौडेलको दाबी छ ।
सरकारबाहिर रहेका, प्रतिगमनको विरुद्धमा संघर्ष गरेका र संसद पुनस्थापनाका लागि आवाज उठाएका तीन दलको बीचमा वार्ता गरी सहमति गरेर प्रधानमन्त्री ओलीलाई हटाउन संसदमा अविश्वासको प्रस्ताव लैजाने उनले बताए ।
पौडेलले अब काँग्रेसकै नेतृत्वमा सरकार बन्ने पनि दाबी गरे ।
काँग्रेसले हिजो मात्रै औपचारीक रुपमा प्रधानमन्त्रीको राजीनामा माग्ने र सरकार बनाउन पहल गर्ने निर्णय गरेको थियो ।