कन्चनपुर चैत ९ । कञ्चनपुर जिल्लामा रहेका एकल महिलाको नेतृत्व विकासका लागि क्षमता अभिबृद्धि तालिम दिईएको छ । मानव अधिकारका लागि एकल महिला समुह कञ्चनपुरले एकल महिला समुहका प्रतिनिधीहरुलाई नेतृत्व विकास तथा श्रमता अभिबृद्धि सम्बन्धी प्रशिक्षण प्रशिक्षक तालिम संचालन गरेको हो ।
पाँच दिने तालिमको एक कार्यक्रमका विच तालिम समापन गरिएको छ । मानव अधिकारका लागि एकल महिला समुह कञ्चनपुरका संयोजक बीर बहादुर नेपालीले एकल महिलाको क्षमता अभिबृद्धिका लागि तालिम संचालन गरिएको बताए ।
उनका अनुसार नेपालमा सिमान्तकृत महिलाको सहभागिता र आवाज कार्यक्रम अन्र्तरगत तालिम लिईएको बताए । विभिन्न १७ एकल महिला समुहका ३४ जना महिलाहरूको सहभागिता रहेको थियो । सहभागिलाई प्रमाण पत्र समेत प्रदान गरिएको छ ।
तालिम बाट एकल महिलालाई आत्मनिर्भर बन्नका लागि सहज हुनेछ । तालिममा सहभागि कमला बोहरा , पार्वती विकले तालिम लिएर आफ्ना अधिकार एव महिलाको प्रशासनिक काम बारे जानकार भएको बताए । मानव अधिकारका लागि एकल महिला समुहका अध्यक्ष जानकी जोशीको सभापतित्वमा सम्पन्न भएको कार्यक्रममा राष्ट्रिय महिला आयोगकी अध्यक्ष कमला पराजुलीको प्रमुख आथित्यमा सम्पन्न भएको थियो । मानव अधिकारका लागि एकल महिला समुहका सचिव रमा उपाध्यायले संचालन गरेको कार्यक्ममा विभिन्न संस्थाका प्रतिनिधीको सहभागिता रहेको थियो ।
