फागुण २८ काठमाण्डौं । सर्वोच्च अदालतले एमाले र माओवादी केन्द्र ब्युताईदिएर एमालेमै माधव नेपाल सहितका नेता फर्किए पनि ओली समुहले थाहै नदिई महाधिवेशनको मिति तोक्नेदेखि आफू पक्षीय नेताको जिम्मेवारी खोसे पछि असन्तुष्ट बनेको खनाल नेपाल समुहको आकस्मिक बैठक बस्दैछ ।
खनाल नेपाल पक्षका स्थायी समिति सदस्यहरु अहिले वानेश्वर स्थित र्याल होटलमा जम्मा भईरहेको स्रोतले जनाएको छ ।
बैठकले ओलीको कदम पछि कसरी प्रस्तुत हुने भन्ने निर्णय लिने बताईएको छ ।
ओलीले आजै बालुवाटारमा आफू पक्षीय केन्द्रीय समितिको बैठक राखेर महाधिवेशन मंसीरमा गर्ने, महासचिव र अध्यक्ष बाहेकका पदाधीकारी हटाउने, प्रदेश ईन्चार्ज परिवर्तन गर्ने र पूर्व माओवादी समुहलाई केन्द्रीय सदस्यमा मनोनयन गर्ने निर्णय गरेको थियो ।
पार्टीको महाधिवेशन मंसीर २ देखि ६ गते सम्म गर्ने सो समुहले निर्णय गरेको थियो ।