१४ फाल्गुन, काठमाडौं । बर्दियाको बाँसगढी नगरपालिकामा एकै दिन चार बालिका बलात्कृत भएका छन् । १४ वर्षीय एक किशोरले एकै दिन चार बालिकालाई बलात्कार गरेको घटना सार्वजनिक भएको हो ।
बारबर्दिया नगरपालिकाबाट बाँसगढीमा आफन्तकहाँ पाहुना आएका किशोरले भाँडाकुटी खेलिरहेका ८, ६ र ५ ५ वर्षका नाबालिका बलात्कृत भएको पीडित पक्षले बताएको छ।किशोरले नजिकैको ट्रेलरबाट टालाटुली लगेर बालिकाको हात र खुट्टा बाँधेर पालैपालो बलात्कार गरेका थिए ।
उनले कसैलाई नभन्न धम्की दिएपछि बालिकाहरूले घटना लुकाएका थिए। तर, घटनाबाट जोगिएकी एक बालिकाले अभिभावकलाई सबै कुरा बताएपछि वास्तविकता बाहिरिएको हो। उनीहरू फागुन ५ गते विद्यालयबाट फर्किएर खेलिरहेका थिए।
पीडितहरूको स्वास्थ्य परीक्षण रिपोर्ट आइसकेको छैन। प्रहरीले आरोपित बालकलाई नियन्त्रणमा लिई अनुसन्धान सुरु गरेको छ।
यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Tweets by @mirmireonline