फागुण ४ काठमाण्डौं । वेसारीसे शब जलाएर चर्चामा आएकी सपना रोका मगरलाई नांगो फोटो सार्वजनिक गरिदिने भन्दै धम्की दिएको आरोपमा बिनय जंग बस्नेतलाई प्रहरीले पक्राउ गरेको छ । सपना यसै वर्ष बिबिसीको प्रभावशाली महिलाको सूचीमा परेकी थिईन् । उनी १८ वर्षको उमेरमै प्रभावशाली महिलाको सूचीमा पर्न सफल भएकी थिईन् ।
बस्नेत बिरुद्ध सपनाले दिएको जाहेरीका आधारमा आज साँझ प्रहरीले गोंगबुबाट नियन्त्रणमा लिएको हो ।
बस्नेतले युट्युबमा सपना रोका मगरका नांगा तस्बिर देखाइदिने भन्दै धम्की दिएका थिए ।
बस्नेतले युट्युब च्यानलमा अन्तवार्ता दिदै आफूसँग सपनाका नग्न तस्बिरहरू पेनड्राइभमा भएको दावी गरेका थिए ।
यसअघि सपना र बस्नेतले मिलेर बेवारिसे शव जलाउने काम थालेका थिए। म्याग्दीबाट काठमाडौं आएकी सपना बस्नेतसँगै बस्थिन्। त्यही क्रममा उनीहरूबीच तिक्तता आएको थियो। गत कात्तिकमा बस्नेतलाई छाडेर सपना घर फर्किएकी थिइन्।