फागुण ४ काठमाण्डौं । नेपाल टेलिकमले पनि आफ्ना सेवाहरुबारे स्वचालित रुपमा जानकारी उपलव्ध गराउन एनटी च्याटबोट शुरु गरेको छ । टेलिकमको वेबसाइटबाटै च्याट मार्फत स्वचालित रुपमा जानकारी प्राप्त गर्न सकिने गरी एनटी च्याटबोट सेवा शुरु गरिएको कम्पनीले जनाएको छ ।
कम्पनीको वेबसाइट www.ntc.ner.np) खोल्नासाथ पेजमा एनटी च्याटबोटको सानो स्क्रिन स्वचालित रुपमा देखापर्दछ । त्यहाँ Need Help ? Welcome ro NT Chatbot भनेर लेखिएको छ । यसमा कम्पनीका विभिन्न सेवाहरुको बारेमा जानकारी लिनका लागि उपलब्ध विकल्पको छनौट गर्न तथा नेपाली-अंग्रेजी भाषा छनौट गरी प्रश्न लेखेर जिज्ञासा राख्न सकिन्छ ।
कम्पनीका विभिन्न सेवाहरु फोरजी, एफटीटीएच, जीएसएम प्रिपेड, जीएसएम पोस्टपेड,ल्यान्डलाइन, एनटी एप, अनलाइन रिचार्ज, अफर, प्याकेज आदिका बारेमा जानकारी प्राप्त गर्न सकिन्छ। त्यसैगरी विभिन्न सेवाहरुका बारेमा फिडब्याक दिन र समेत गर्न सकिन्छ । गुनासो सम्बोधन च्याटबोट मार्फत स्वचालित रुपमा नसकेमा कम्पनीको सम्बन्धित विभाग-पदाधिकारीले अध्ययन गरी गुनासो व्यवस्थापन गरिने छ ।
एनटी च्याटबोट सेवाले वेबसाइटमा राखिएका विवरणका आधारमा स्वचालित रुपमा जानकारी उपलब्ध गराउँछ ।
यो सेवाको शुभारम्भ सञ्चारमन्त्री पार्वत गुरुङले माघ २२ गते कम्पनीको १७ औं वार्षिकोत्सवका अवसरमा गर्नु भएको थियो ।
