वीरगंज, ३ फागुन । ट्रकमाओभर लोड गरी किलिङकर ओसारपोसारका कारण वीरगंजको रजतजयन्ती चौकको जनजिवन प्रभावित हुदा स्थानियहरुले सोमबार बिरोध प्रदर्शन गरेका छन् ।
स्थानियहरुका अनुसार सिमेन्ट बनाउनको लागि प्रयोग हुने किलिंकर बोकेको ट्रक दिन भरीमा ४ सय देखी ५ सयको संख्यामा भित्रिने गरेका छन् । किलिंकर ट्रकमा ओभर लोड भएका कारण त्यसको धुलो बाटोमा आवतजावत गर्ने सर्वसाधारणलाई खानु परेको छ । त्यसका कारण मानिसको स्वास्थ्यमा समेत असर पर्ने भएको बिरोध प्रदर्शन गरिएको स्थानियहरुले वताएका छन् ।
ट्रकमा ओभर लोड भएका कारण बाटोमा छर्दै जाने गरेको स्थानिय लालदेव प्रसाद यादवले वताए । ट्रकबाट उडेको किलिंकर बाटोमा छर्नुको साथै घरमा समेत पस्ने गरेको उनले वताए । त्यस कारण बाताबरण प्रदुशषण हुनुको साथै स्वास्थ्यमा प्रत्यक्ष असर परिरहेको उनको गुनासो छ ।
स्थानिय प्रशासनलाई यस बारे ध्यानकार्षण गराउदा पनि कुनै सुनवाई नभए पछि बाध्य भएर बिरोध प्रदर्शनमा उत्रनु परेको यादवले वताए । अझै पनि ट्रकको ओभर लोड रोकिएन भने अनिश्चितकालिन चक्का जाम गर्ने प्रदर्शनकारीहरुले चेतावनी समेत दिए ।
स्थानियहरुले सोमबार विहान ११ बजेदेखी १२ बजे सम्म एक घण्टा चक्का जाम गरी बिरोध प्रदर्शन गरेका थिए ।
