फागुण २ काठमाण्डौं । पुष ५ मा संसद विघटअन भए पछि त्यसका बिरुद्ध परेको मुद्धामा फागुण दोस्रो साता सम्ममा फैसला आउन सक्ने आंकलन शुरु भएको छ । स्रोतका अनुसार प्रधानन्यायधीशले कानुन व्यवशायीलाई बहसका लागि समय तोक्दै छिटो गर्न सुझाव दिदै आएका छन् । प्रधानन्यायधीश सहितका न्यायधीशहरु फैसलाका लागि समय लम्विन नहुने मनशायमा रहेको बताईन्छ ।
शुरुमा निवेदन दर्ता हुँदा माघ भित्रै बहस सकिएर फैसला आउला भन्ने आशा गरिएको थियो । तर रिट निवेदक र सरकारी वकिलहरुले बहसमा लामो समय लिए पछि र वकिलहरुको संख्या धेरै भए पछि बहस माघ ३० सम्म लागेको थियो ।
अब भने दुबै तिरको बहस सकिएकाले जवाफी बहस मात्र बाँकी छ । जवाफी बहसमा शम्भु थापा, रमण श्रेष्ठ,हरीहर दाहाल, मेघराज पोखरेल, हरी उप्रेती, शेर बहादुर केसी लगायतकाले बहस गर्ने वरिष्ठ अधिवक्ता रमण श्रेष्ठले जानकारी दिए ।
उनीहरुलाई कति समय बोल्ने भन्ने समय प्रधानन्यायधीशले तोकिसकेका छैनन् ।
संसद विघटन बिरुद्ध परेको १३ वटै रिटलाई संवैधानिक ईजलाशमा राखेर सुनुवाई भईरहेको छ ।
संसद विघटन बिरुद्ध सडकमा आन्दोलनरत दलहरु सर्वोच्चबाट संसद पुनस्थापना हुने आशा गरीरहेका छन् भने सरकार सर्वोच्चले संसद पुनस्थापना नगरी निर्वाचनको पक्षमा फैसला गर्नेमा आशावादी देखिएको छ ।