माघ २५ काठमाण्डौं । केही दिन अघि नेकपा ओली समुहका कार्यकर्ताले वी लभ केपी ओलीको नारा लगाएका थिए । त्यसको जवाफमा आज प्रचण्ड माधव समुहका बिद्यार्थीले वि हेट केपी ओलीको नारा लगाएका छन् ।
प्रतिनिधि सभा विघटनको बिरुद्ध नाराबाजी गर्दे सिंहदबारमा ज्ञापन पत्र बुझाउन गएका विद्यार्थीहरुलाई प्रहरीले हनुमानस्थानबाट अगाडी बढ्न नदिए पछि उनीहरुले सडकमै नाराबाजी गरेका थिए ।
विद्याथीहरु नाराबाजी गर्दै हनुमानस्थनाबाट अघि बढ्न खोज्दा प्रहरीले रोकेको थियो । प्रहरीले रोकेपछि विद्यार्थीहरु सडकमै बसेर विरोध प्रदर्शन गरेका थिए ।
त्यसक्रममा उनीहरुले ‘अनेरास्ववियू जिन्दावाद, प्रतिगमन मुर्दावाद, असंवैधानिक कु खारेज गर, केपी पाराले दुःख पाए साराले, केपी ओली कायर छ, सारा जनता फायर छ विदेशी हस्तक्षेप बन्द गर, वि हेट ओली, फाल्नेछौ भोलि’ लगायतका नारा लगाएका थिए ।
यसअघि ओली समर्थकले ‘वी लभ केपी ओली’ को नारा लगाएकामा दाहाल(नेपाल समूहका विद्यार्थीले ‘वी हेट ओली’ को नारा लगाएका हुन् ।
त्यसक्रममा युवा विद्यार्थीको ज्ञापन पत्र बुझ्न प्रधानमन्त्रीका तर्फबाट कोही उपस्थित नभएपछि विद्यार्थी नेता रञ्जित तामाङले मिडियासामु विरोध पत्र पढेर सुनाएका थिए ।