माघ १८ काठमाडौँ । आफूहरुको कमिसन नबढाए आजबाट तेल नउठाउने र बिक्री नगर्ने पम्प सञ्चालकहरुको चेतावनी पछि हिजो भएको वार्तामा पेट्रोल पम्प सञ्चालकहरुको कमिसन बढाउने सहमति भएको छ । निगमले यो सहमति गरेको हे । सञ्चालकहरुले आजबाट थानकोट डिपोबाट तेल नउठाउने चेतावनी दिए पछि सहमति भएको हो । माघ १२ मा पम्प सञ्चालकहरुले यस्तो धम्की दिएका थिए ।
निगम र व्यवसायीबीच भएको सहमति अनुसार पेट्रोलमा ०.३९५ र डिजेलमा ०.४७ प्रतिशत कमिसन बढाउने निर्णय भएको निगमका प्रवक्ता विनीतमणि उपाध्यायले जानकारी दिए । ‘निगम सञ्चालक समितिको निर्णयअनुसार निगमका बिक्रेताहरूले साविकमा पाइरहेको पेट्रोलको कमिसन ३ प्रतिशत र डिजेलको २.६५ प्रतिशतमा क्रमशस् ०.३९५ र .प्रतिशत बढाउने निर्णय भएको छ ।’
मुलुकभर दैनिक करिब ४८ लाख लिटर डिजेल र १५ लाख लिटर पेट्रोल बिक्री हुन्छ । कमिसन वृद्धिले डिजेलमा २२ लाख ५६ हजार र पेट्रोलमा ६ लाख ५१ हजार रुपैयाँ थप कमिसन पम्पले पाउँने छन् ।
’
