माघ ११ काठमाडौँ । प्रतिनिधिसभा विघटनबारे सुनुवाइ जारी रहेको संवैधानिक इजलासमा प्रधानमन्त्री केपी शर्मा ओलीले अदालतको अवहेलना गरेको भन्दै कानुन व्यवसायीले प्रश्न गरेका छन् ।
वरिष्ठ अधिवक्ता दिनेश त्रिपाठीले प्रधानमन्त्री ओलीले खुलेआम अदालतको अवहेलना गरेको भन्दै इजलासको ध्यानाकर्षण गराएका छन् । प्रधानमन्त्रीले माघ ९ गते सर्वोच्चमा भईरहेको बहसलाई तमासाको संज्ञा दिएका थिए । साथै उनले संसद पुनस्थापना हुने ठाँउ नरहेको जिकिर गरेका थिए । त्यस पछि कानुन व्यवशायीले प्रश्न उठाएका हुन् ।
जवाफमा प्रधानन्यायाधीश चोलेन्द्रशम्शेर जबराले बजारका कुरा सुनिसाध्य नभएको भन्दै बजारको हल्लाका पछि नलाग्न भन्ने अभिव्यक्ति दिएका थिए ।
यसै गरी, आइतबार वरिष्ठ अधिवक्ता रमण श्रेष्ठले राजपत्रका बारेमा इजलासमा निवदेन पेश गरेका छन् । निवेदनमा राजपत्रमा प्रकाशित सूचनाको आधिकारीकता जाँच गर्न माग गरिएको छ । निवेदन दिए पछि बोल्न खोजेका श्रेष्ठलाई महान्यायधीवक्ता अग्नी खरेल लगायतले प्रतिवाद गरेका थिए ।
ईजलाशमै भनाभन भए पछि प्रधानन्यायधीशले पछि समय दिने भन्दै रोकेका थिए ।