माघ ७ काठमाण्डौ । नेकपाका अध्यक्ष प्रचण्डले केपी ओलीको गलत व्यवहार र प्रवृतिका कारण अहिलेको अवस्था आएको भन्दै उनीसगँ तत्कालै एकता हुने कुनै संभावना नरहेको बताएका छन् ।
आज सम्पादकहरुसगँको छलफलमा प्रचण्डले ओलीले पद छाड्न पर्दा कुर्सी भाच्ने, घरमा आगो लगाउने काम गर्ने काम गरेकोले एकता नहुने बताए ।
यदी ओलीले गल्ती महसुस गरेर, कमजोरी सुधार गरेर फर्किएको अवस्थामा मात्रै एकताको संभावना रहने उनले बताए ।
पार्टी एकता देखिकै समस्या शुरु भएको बताउदै उनले अहिले आउदा त्यो क्लाईमेक्समा पुगेकाले जनतामा रहेको भ्रम चिर्न आफूहरुले स्वेतपत्र जारी गरेर जनतामा जाने स्पष्ट पारे ।
आफूहरु निर्वाचन विरोधी नभए पनि अहिले निर्वाचनमा जाने पक्षमा नरहेको भन्दै संसद पुनस्थापना नभए संविधानै समाप्त हुने खतरा रहेको बताए ।
आफूहरु प्रधानमन्त्रीका लागि मरिहत्ते गर्ने मान्छे नभएको भन्दै अब बिस्तारै युवाहरुलाई नेतृत्व हस्तान्तरण गर्दै जाने उनले दाबी गरे ।