संसद विघटन बिरुद्ध आज काँग्रेसले ७५३ स्थानीय तहमा बिरोध प्रदर्शन गर्दै
माघ २ काठमाण्डौं । प्रतिनिधि सभा विघटन असंवैधानिक र अलोकतान्त्रिक भएको भन्दै आन्दोलनमा उत्रिएको काँग्रेसले आज देशका सबै स्थानीय तहमा प्रदर्शन गर्ने भएको छ । ती प्रदर्शनहरुमा सहभागी हुन काँग्रेस सभापति शेर बहादुर देउवा र वरिष्ठ नेता रामचन्द्र पौडेलले अपील गरेका छन् । सभापित देउवाले अपील जारी गरेर सम्पूर्ण नेता कार्यकर्तालाई प्रदर्शनमा उत्रन निर्देशन दिएका छन् ।
यस्तै वरिष्ठ नेता पौडेलले एक भिडियो सन्देश जारी गर्दै संसद विघटन नसच्चिए देशमा अनर्थ हुने भन्दै सक्रियता पुर्वक प्रदर्शनमा भाग लिन अपील गरेका थिए ।
आज काठमाण्डौंको बसन्तपुरमा काँग्रेसले विरोध सभा गर्नेछ । दिउसो शान्तिबाटीकामा भेला भएर र्याली सहित बसन्तपुर पुगेर प्रदर्शन हुने काँग्रेसले जनाएको छ । यस सभालाई काँग्रेस नेता प्रकाश मान ंिसहले संवोधन गर्ने कार्यक्रम रहेको छ ।
यस अघि पनि काँग्रेसले देशका १६५ निर्वाचन क्षेत्र, ३३० प्रदेश निर्वाचन क्षेत्रमा प्रदर्शन गरीसकेको छ ।
