पुष २६ काठमाण्डौं । प्रधानमन्त्री केपी शर्मा ओलीले संसद विघटन गरेको विरुद्ध घोषित आन्दोलनका कार्यक्रम अन्तर्गत नेकपा प्रचण्ड माधव समुह निकट अखिलले आज बयलगाडा प्रदर्शन गरेको छ । काठमाण्डौं ललितपुर लगायतका विभिन्न जिल्लाका विभिन्न ठाँउमा गाडा प्रदर्शन गरिएको अखिलले जनाएको छ ।
६२÷६३ सालको आन्दोलनमा राजतन्त्र बिरोधी नारा लाग्दा बयलगाडा चढेर अमेरीका पुग्न सकिदैन भन्ने अभिव्यक्ति दिएका हालका प्रधानमन्त्रीले संसद विघटन गरेर प्रतिगमन निम्त्याउन खोजेको भन्दै उनीहरुले सांकेतिक बयलगाडा प्रदर्शन गरेका हुन् ।
विद्यार्थीहरुले रिक्सामा बाँस राखेर बयलगाडा बनाएका थिए । तर काठमाण्डौंमा यसरी गरिएको प्रदर्शनमा प्रहरीले बयलगाडा खोसिदिएको छ ।
विद्यार्थीहरुले सडक प्रदर्शन, प्रधानमन्त्री र राष्ट्रपतिको पुत्लादहन, मन्त्रीलाई कालो झण्डा देखाउने लगायतका कार्यक्रम गरीरहेका छन् ।
