पुष २२ काठमाण्डौं । प्रतिनिधि सभा विघटन बिरुद्ध परेको एक दर्जन बढी रिटमा आज सुनुवाई शुरु भएको छ । पुष ५ मा प्रधानमन्त्री ओलीले संसद विघटन गरे पछि त्यसको बिरुद्ध एक दर्जन बढी रिट दायर भए पछि गठन भएको संवैधानिक ईजलाशमा अन्तिम सुनुवाई शुरु भएको छ ।
यो ईजलामा प्रधानन्यायधीश चोलेन्द्र शमशेर जबरा, न्यायाधीशहरू हरिकृष्ण कार्की, विश्वम्भरप्रसाद श्रेष्ठ, अनिलकुमार सिन्हा र तेजबहादुर केसी छन् । वरिष्ठ न्यायधीश नराखिएकामा यस अघि आलोचना भए पनि आज पनि सोही टिम रहेको छ ।
यो मुद्धामा सहयोग पुर्याउन एमीकस क्युरी समेत गठन भएको छ ।
क्युरीमा पूर्णमान शाक्य, गीता संग्रौला, बद्री बहादुर कार्की, सतिशकृष्ण खरेल र विजयकान्त मैनाली छन् ।
यो सुनुवाई अघि सर्वोच्चको आदेश अनुसार राष्ट्रपतिको कार्यलय, प्रधानमन्त्रीको कार्यलय र सभामुख अग्नी सापकोटाले लिखित जवाफ पेश गरीसकेका छन् ।
यो मुद्धाको अन्तिम फैसला माघ भित्रमा हुन सक्ने बताईएको छ । धेरै दलहरुले सर्वोच्चले संसद पुनस्थापना गर्ने विस्वास व्यक्त गरे पनि प्रधानमन्त्री ओली भने सर्वोच्चले संसद नविउत्याउने दाबी गर्दछन् ।