पुष १० काठमाण्डौं । पछिल्लो समय शेयरबजारमा आकर्षण बढेसगैँ आईपिओ खरीदमा पनि मानिसहरुको ह्वात्तै आवेदन बढन थालेको छ । त्यसै सन्दर्भमा हाल सम्मकै सबै भन्दा धेरै आईपिओ आवेदन परेको प्रभु लाईफ ईन्स्योरेन्स कम्पनीको आईपिओ नतिजा आज गोलाप्रथाबाट वितरण गर्ने तयारी भएको छ ।
बिहान ११ बजे पछि बिक्री प्रवन्धक सिद्धार्थ क्पापिटलको कार्यलयमा बाँडफाटको तयारी भएको छ ।
कम्पनीको आईपीओमा १० लाख ८२ हजार आबेदनबाट २ करोड ९३ लाख कित्ता शेयरको लागि २ अर्ब ९३ करोड रुपैयाँ बराबरको आबेदन परेको छ । कम्पनीले सर्वसाधरणलाई निष्काशन गरेको ५४ लाख कित्ताको यो ५।४२ गुणा बढी हो ।
त्यसमध्ये ५ प्रतिशत अर्थात ३ लाख कित्ता कर्मचारीहरुलाई र अर्को ५ प्रतिशत सामूहिक लागनी कोषहरुलाई सुरक्षित गरी बाँकी ५४ लाख कित्ता शेयरमा सर्वसाधारणले निष्काशनमा ल्याएको थियो ।
माग भन्दा बढी आबेदन परेकोले धितोपत्र निष्काशन तथा बाँडफाँड निर्देशिका अनुसार न्युनतम १० कित्ताका दरले शेयर बाँडफाँड हुनेछ । त्यस अनुसार ५ लाख ४० हजार आवेदकले मात्रै न्युनतम १० कित्ता पाउनेछन् छन् भने बाँकी अर्थात ५०.१० प्रतिशत आबेदकको हात खाली हुनेछ ।
यो आईपिको पछि कम्पनीको चुक्तापुजी २ अर्बको हुनेछ ।
