पुष २ काठमाण्डौं । नेपाली राष्ट्रिय क्रिकेट टिमको प्रशिक्षकमा अस्ट्रेलियाका देव वाटमोर नियुक्त भएका छन्। उनले यस अघि श्रींलकालाई विश्वकप जिताउन सफल भएका थिए ।
नेपाल क्रिकेट संघ (क्यान) ले वाटमोरलाई राष्ट्रिय टिमको प्रशिक्षक नियुक्त गरेको जनाएको छ । वाटमोरले आगामी जनावरी १ देखि लागू हुने गरी नेपाली टिम सम्हाल्नेछन्।
क्यानले नेपाली टिमको प्रशिक्षकका लागि गत कात्तिक अन्तिम साता एक दर्जन प्रशिक्षकको अन्तर्वार्ता लिएका मध्य वाटमोरलाई छनौट गरेको हो ।
श्रीलंकामा जन्मिएर अस्ट्रेलियामा हुर्किएका वाटमोर अस्ट्रेलियाका पूर्व क्रिकेटर हुन्। ६६ वर्षीय वाटमोरसँग आइसिसीको स्थायी सदस्यका टिमलाई प्रशिक्षण गराएको अनुभव सम्हालीसकेका छन् ।
उनको प्रशिक्षणमा श्रीलंकाले सन् १९९६ को एकदिवसीय विश्वकप जितेको थियो।
उनी सन् २००३ देखि २००७ सम्म बंगलादेशको प्रशिक्षक थिए। त्यसपछि उनी भारतको यु१९ टिमको प्रशिक्षक रहीसकेका छन् ।
उनले सन् २०१० र २०११ को सिजनमा आइपिएल टिम कोलकता नाइट राइडर्सको प्रशिक्षण सम्हालेका थिए।
त्यसै गरी उनले २०१२ देखि २०१४ सम्म पाकिस्तानको समेत प्रशिक्षक बनेका थिए । पछिल्लो पटक उनी सन् २०२० मा सिंगापुरका प्रशिक्षक बने।
क्यानले वाटमोरलाई प्रशिक्षक नियुक्त गरेसँगै रौनकबहादुर मल्ललाई महाप्रवन्धक, रमेशकुमार न्यौपानेलाई मुख्य बृत्त व्यवस्थापक र विनोद दासलाई क्रिकेट व्यवस्थापकमा नियुक्त गरेको विज्ञप्ति मार्फत जनाएको छ ।
वाटमोरबाट नेपालले विश्वकप सम्मको यात्रा अपेक्षा राख्न सक्छ । यस अघि टि ट्वेन्टीमा विश्वकप सम्म नेपाल पुगेको थियो । जसको नेतृत्व पुवुदु दासानायकेले गरेका थिए ।
