मंसीर २५ एजेन्सी । युरोपेली च्याम्पियन्स लिगको सहुम चरणबाटै म्यानचेष्टर युनाईटेड क्लब बाहिरिएको छ । जर्मन क्लब आरबी लाइपजिगसँग ३–२ गोल अन्तरमा पराजित हुँदै इंग्लिस महारथी म्यानचेस्टर युनाइटेड युरोपेली च्याम्पियन्स लिगको समूह चरणबाटै बाहिरिएको हो ।
घरेलु मैदानमा लाइपजिगले पहिलो हाफको १३ मिनेटभित्रै १–० को अग्रता बनाएको थियो। दोस्रो मिनेटमा एन्जेलिनोले गोल गर्दा १३ औं मिनेटमा अमादोउ हैदराले गोल गर्दै अग्रता दोब्बर पारेका हुन्। पहिलो हाफमा २–० ले अघि रहेको लाइपजिगले दोस्रो हाफमा थप एक गोल थप्यो।
खेलको ६९ औं मिनेटमा जस्टिन क्लुइभर्टले गोल गरी लाइपजिगलाई ३–० को अग्रता दिलाए ।
युनाइटेडले २ मिनेटको अन्तरमा २ गोल गरी खेलमा फर्कने प्रयास गर्यो ।
८० औं मिनेटमा बुर्नो फर्नान्डेजले पेनाल्टीमा र ८२ औं मिनेटमा पोग्वाले गोल गरे पनि टोलीलाई रोक्न सकेनन्।
यो हारसँगै युनाइटेडले अब युरोपा लिग खेल्नेछ। समूह एचबाट आरबी लाइपजिग नकआउट चरणमा पुगेको छ। इस्तानबुलसँगको खेल अवरूद्ध भए पनि यो समूहबाट फ्रान्सेली च्याम्पियन पीएसजीले पनि अन्तिम १६ को यात्रा तय गरेको छ।
