भारत र पश्चिमा मिडियाहरु र काँग्रेसले नेपालको सीमा चीनले मिचेको भनेर हल्ला फैलाएः चीन

भारत र पश्चिमा मिडियाहरु र काँग्रेसले नेपालको सीमा चीनले मिचेको भनेर हल्ला फैलाएः चीन

  • बुधबार, कार्तिक २६, २०७७
  • मिर्मिरे अनलाइन

  • 5.3K
    SHARES

कार्तिक २६ काठमाण्डौं । चीनले नेपाली काँग्रेस, भारत र केही पश्चिमा मिडियाहरुले नेपालको सीमा मिचेको भनेर हल्ला फैलाएको भन्दै आपत्ति जनाएको छ ।
चीनीया मिडिया ग्लोबल टाइम्सले ‘मिथ्या रिपोर्ट’को पछाडि कांग्रेस, भारत र पश्चिमाहरुको हात रहेको दावी गरेको छ ।
‘प्रो–इन्डियन पार्टीको ट्याग लागेको प्रमुख विपक्षी पार्टी नेपाली कांग्रेसलाई यो हल्ला फैलाउने मुख्य संस्थाको रुपमा लिइएको छ ।’

‘हू इज बिहाइन्ड द फ्याब्रिकेटेड रिपोर्टस प्रोभोकिङ्ग नेपाल एग्नेस्ट चाइना ? ’ शिर्षकको खबरमा हुम्ला जिल्लासँग सीमा जोडिएको क्षेत्रमा चिनियाँ सेनाले नेपाली भूमि मिचेर भवन बनाएको भन्ने आरोप लगाइएको र सो खबर गोप्य स्रोत भन्दै पश्चिमा तथा भारतीय सञ्चारमाध्यमले प्रकाशित तथा प्रशारित गरेको उल्लेख छ ।

पत्रिकाले केही नेपाली विज्ञलाई समेत उल्लेख गर्दै निकालेको लामो रिपोर्टमा कांग्रेस नेता एवं कर्णाली प्रदेश सभा सदस्य जीवनबहादुर शाहीलाई विभिन्न आरोप पनि लगाइएको छ ।

शाहीको टोलीले चीनले सीमा मिचेको भनिएको क्षेत्रको भ्रमण गरी पार्टीमा चीनले सीमा मिचेको रिपोर्ट बुझाएको भन्दै चीनले शाहीप्रति असन्तुष्टी व्यक्त गरेको छ ।
‘धेरै अदृश्य वैदेशिक लगानी भएको नेपाल एउटा सानो मुलुक हो, जहाँ भारतीय र पश्चिमाहरु आफ्नो प्रभाव जमाउन लागिरहेका छन्’ ग्लोबल टाइम्सको निचोड छ ।

त्यस्तै टेलिग्राफले चीनले नेपाली भूमि मिचेको रसैन्य आधार नै बनाउन लागेको खबर बेलायती प्रसिद्ध पत्रिका दि डेली टेलिग्राफले प्रकाशित गरेको पनि उल्लेख भएको विषयमा पनि आपत्ति जनाइएको छ ।
नेपाल सरकारले चीनले सीमा नमिचेको यस अघि नै स्पष्ट पारीसकेको छ ।

यसमा तपाइको प्रतिक्रिया
सम्बन्धित समाचार
Like us On Facebook
Follow Us On Twitter
Mirmire Online ठेगाना:अनामनगर काठमाडौँ
फोन : ०१-५९०१७७५, ९८४१८०८८४९
इमेल : mirmireonline@gmail.com
फेसबुक : facebook.com/onlinemirmire
सूचना तथा प्रशारण बिभाग दर्ता नं.: १७८/०७३-७४
©2016 Mirmire Online. All Right Reserved |  Site By: Sobij
संरक्षक: कल्याण तिम्सिना, प्रबन्ध निर्देशक: सिर्जना तिम्सिना, प्रधान सम्पादक : कृष्ण कुमार श्रेष्ठ, सम्पादक: वाशुदेव तिमिल्सना, प्रवन्धक - श्रीवास दास श्रेष्ठ