कार्तिक २६ काठमाण्डौं । नेकपाका उपाध्यक्ष बामदेव गौतमलाई राष्ट्रिय सभामा मनोनित गरिएको बिरुद्ध सर्बोच्च अदालतमा परेको रिटमा आज सुनुवाई हुँदै छ ।
यस अघि अन्तरीम आदेशमा गौतमलाई थप संवैधानिक जिम्मेवारी नदिन र अहिले भएको मनोनयन यथावत राख्न भनिएको थियो ।
साथै त्यसै फैसला अनुसार प्रधानन्यायधीशको नेतृत्वमा ५ सदस्यीय संवैधानिक ईजलाशले गौतमको मुद्धा किनारा लगाउने भनिएको थियो । तर कोरोना र दँशै बिदा आदि कारणले रोकिएको थियो ।
आज हुने सुनुवाई पछि गौतम राष्ट्रिय सभामा रहने या नरहने र थप संवैधानिक जिम्मेवारी पाउने या नपाउने विषय टुंगो लाग्ने बताईएको छ ।
गौतम प्रतिनिधि सभाको निर्वाचनमा पराजीत भए पछि अर्थमन्त्री समेत बनाउने आस्वासन दिएर राष्टिूय सभामा लगिए पनि अहिले मुद्धाका कारण उनले राष्ट्रिय सभामा समेत भूमिका खेल्न सकेका छैनन् ।
यो रिट बरिष्ठ अधिबक्ता दिनेश त्रिपाठीले दायर गरेका थिए ।