कार्तिक २३ पर्सा । पर्सा क्षेत्र नं १ का संघीय सांसद प्रदीप यादवको पहलाम पर्साका निजी विद्यालयहरुले लकडाउन अवधिको शुल्क मिनाहा गर्ने सहमति जनाएका छन् ।
शनिबार सांसद यादवको उपस्थितिमा प्याव्सन र एन प्याव्सनका पदाधीकारीहरुबीचको बैठकले छिट्टै शुल्क मिनाहा गर्ने निर्णय गरेको छ ।
यसै गरी लकडाउनमा विद्यालयहरुमा भएको क्षति र दायित्वहरुका बारेमा पनि छलफल गरी निर्णय गर्ने माईन्युटमा उल्लेख गरिएको छ ।
लकडाउन अवधिमा पनि निजी विद्यालयले शुल्क मागिरहेर अभिभावकहरु हैरानीमा पर्ने गरेका छन् भने स्कुल सञ्चालकहरु पनि बैंकिङ रिण, शिक्षक कर्मचारीलाई तलव खुवाउन नसकेर समस्यामा परेका छन् ।
बैठकमा बोल्दै सांसद प्रदीप यादवले अहिले कोभिडले सबै क्षेत्र प्रभावित भएकाले मिलाएर सबै पक्षले सहकार्य गरेर समस्याको समाधान गर्नु जरुरी रहेको भन्दै विद्यालयहरुले बिद्यार्थीको शुल्क मिनाहा सम्बन्धि यथाशीघ्र निर्णय हुने आशा व्यक्त गरे ।
सांसद यादवले सरकारको लापरबाहीका कारण कोभिडले देशभर अस्तव्यस्तता सृजना भएको पनि बताए ।
