कार्तिक २० काठमाडौं । उपत्यकामा दिनहुँ कोरोना संक्रमित थपिने क्रम जारी छ । पछिल्लो २४ घण्टामा काठमाडौं उपत्यकामा १३ सय ९८ जना संक्रमित थपिएको स्वास्थ्य मन्त्रालयले जनाएको छ । आज थपिनेमा ६०१ महिला र ७९७ पुरुष रहेका छन् ।
यस्तै काठमाडौंमा १६ हजार ३३१, भक्तपुरमा १२ सय ४८ र ललितपुरमा २२ सय ७६ जना कोरोनाका सक्रिय संक्रमित रहेका छन्। हालसम्म कोरोनाबाट काठमाडौंमा २५९ ,भक्तपुरमा ६९ र ललितपुरमा ६५ जनाको मृत्यु भएको छ।
नेपालमा कोरोना भाइरस संक्रमितको संख्या १ लाख ८५ हजार ९७४ पुगेको छ। हाल देशभर ३६ हजार ५१४ कोरोनाका सक्रिय संक्रमित छन्।
बिहीबार ३४ सय ३० जनाले कोरोना जितेर डिस्चार्ज भएको मन्त्रालयले जनाएको छ। योसँगै कुल डिस्चार्ज हुनेको संख्या १ लाख ४८ हजार ४०८ पुगेको छ। आइसीयूमा ४२८ जनाको र ७४ जनाको भेन्टिलेटरमा उपचार भइरहेको छ। नेपालमा कोरोनाबाट १ हजार ५२ जनाको मृत्यु भएको छ। आज मात्रै कोरोनाबाट थप १८ जनाको मृत्यु भएको छ ।