कार्तिक २० काठमाण्डौं । कोरोना महामारीका कारण फुटवल गतिविधि ठप्प भएका बेला नेपाली राष्ट्रिय फुटवल टोली मैत्रीपूर्ण खेलका लागि बंगलादेश प्रस्थान गरेको छ । हिजो सार्वजनिक गरिएको राष्ट्रिय टोलीमा ८ नयाँ खेलाडीले टिममा स्थान बनाउन सफल भएका छन् । प्रभावशाली खेलाडी रोहित चन्दले चोटका कारण टिममा सामेल हुने अवसर गुमाएका छन् ।
नयाँ खेलाडीमा दिलेन लोक्ताम, पुजन उपरकोटी, सेसेहाङ आङदेम्बे, विकास खवास, एरिक विष्ट, दर्शन गुरुङ, दीप कार्की र छिरिङ गुरुङ पहिलो पटक सिनियर टोलीमा अटाएका हुन् ।
मैत्रीपूर्ण खेलका लागि बुधबार गरिएको सामान्य बिदाई कार्यक्रमपछि मुख्य प्रशिक्षक बाल गोपाल महर्जनले एक साताको अभ्यासले खेलाडीको फिटनेसमा सुधार आएको बताए ।
नेपालले कात्तिक २८ र मंसिर २ गते बंगलादेशसँग दुई मैत्रीपूर्ण खेल खेल्नेछ । अखिल नेपाल फुटबल संघ (एन्फा) ले प्रस्थान गर्नु अघि टोलीको कोरोना पीसीआर परीक्षण गरेको थियो । उक्त परीक्षणमा दुई खेलाडीमा कोरोना देखिए पछि को थियो । नेपाली टोलीले एक साता अभ्यास गरे पछि मैत्रीपूर्ण खेल खेल्ने छ ।
