कार्तिक १७ काठमाण्डौं । कर्मचारी सञ्चयकोषबाट लिइएको ऋणको सावा तथा व्याज माछापुच्छ्रे बैंकको कुनै पनि शाखाको काउन्टरबाटसहजै भुक्तानगर्न सकिने भएको छ ।
कर्मचारी सञ्चयकोषबाट जुनसुकै कर्जा वा सापटी लिएका ऋणीहरूलाई साँवा र ब्याजसहितको किस्ता रकम भुक्तानी गर्ने सेवा प्रदान गर्नेे माछापुच्छ्रे बैंक पहिलो बैंक बनेको छ । यस व्यवस्थाले कर्मचारी सञ्चयकोषका ऋणीहरुलाई कर्जा भुक्तानी गर्न कर्मचारी सञ्चयकोष धाउने झन्झट हटेको छ ।
यस अघि माछापुच्छ्रे बैंक लि. र कर्मचारी सञ्चयकोषबिच कर्मचारी सञ्चयकोषका ऋणीहरुले लिएको ऋणको सावा तथा व्याज कनेक्ट आइपिएस मार्फत भुक्तानगर्न सक्ने गरि सहमति भएको थियो । सो अनुरुप बैंक नपुगिकन विद्युतीय माध्यमबाटै किस्ता रकम सजिलै भुक्तानीगर्न सकिने बैंकले जनाएको छ ।
स्थापनाकालदेखि नै नयाँ नयाँ प्रविधिमा आधारित सेवा सुविधा विस्तार गर्दै गएको माछापुच्छ्रे बैंक आफ्ना १६० वटा शाखाहरु, १३३ शाखा रहित बैकिङ्ग सेवा समेत गरी जम्मा २९३ स्थानमा रहेका सेवा सञ्जालतथा १९८ वटा एटीएमहरु मार्फत अत्याधुनिक सेवा दिदै आईरहेको छ ।
