असोज १८ काठमाण्डौं । नेपालले कालापानी, लिपुलेक, लिम्पियाधुराको मुद्धा चीनको ईशारामा उठाएको भन्दै विवादीत अभिव्यक्ति दिएका भारतीय सेनापति मुकुन्द नरवाणे नेपाल भ्रमणमा आउने भएका छन् ।
प्रधानमन्त्री ओलीको निर्देशनमा परराष्ट्र मन्त्रालयको पहल पछि नरवाणे नेपालको तीत दिने भ्रमणमा आउन लागेका हुन् ।
नरवाणे कात्तिक १८ र १९ गते काठमाडौंमा आयोजना हुने औपचारिक कार्यक्रममा सहभागी भएपछि मुस्ताङ पनि जाने कार्यक्रम रहेको स्रोतले जनाएको छ । कार्तिक २१ गते उनी भारत फर्कने छन् । उनलाई नेपालको मानार्थ सेनापतिको उपाधी समेत राष्ट्रपतिबाट प्रदान हुने छ ।
नेपालको सेनापतिलाई भारतले र भारतको सेनापतिलाई नेपालले मानार्थ सेनापतिको उपाधी दिदै आएका छन् ।
चीनसगँ सीमामा तनाव बढीरहेको र नेपालको समेत सीमा विवाद भारसगँ बढेका बेला भारतीय सेनापति आउनुले कुटनीतिक तथा राजनीतिक दुवै सन्देश दिनेछ । यसमा खास गरी नेपाली भूभाग अतिक्रमण गरेर बसेको भारतीय फौज हटाउनु पर्ने नेपाली जनस्तरबाट माग भए पनि भारतले त्यो सुनुवाई गरेको छैन र सरकारले पनि पर्याप्त कुटनीतिक पहल गर्न सकेको छैन ।