असोज १८ वुटवल । वुटवलमा अस्थायी रुपमा रहेको प्रदेश नं ५ को राजधानी दाङ सार्ने प्रदेश सभामा पेश भएको प्रस्तावको बिरोध गर्दै वुटवलमा आन्दोलन चर्किएको छ । काँग्रेस सहित व्यापारी व्यवशायी र विभिन्न संघ संस्थाहरुको अगुवाईमा मानिसहरुले आज निषेधाज्ञा तोडेर प्रदर्शन गरेका छन् ।
आज बुटवलमा उद्योगी व्यबसायीले निशेधाज्ञा तोडेर बिरोध र्याली प्रदर्शन गरेका हुन । उद्योगी व्यबसायी तथा प्रमुख प्रतिपक्षि दल नेपाली काँग्रेसले बिरोध गर्ने तयारी गरेपछि सरकारको तर्फबाट जिल्ला प्रशासन कार्यालय रुपन्देहीले बुटवलका बिभिन्न स्थानमा निशेधाज्ञा जारी गरेको थियो ।
बिहानैदेखी बुटवलको राजमार्ग चौराहा हुँदै मिलनचोक, बसपार्क, अस्पताल लाईन देखी ट्राफिक चोकसम्म र्याली गरि कोण सभा गरिएको थियो । ठाँउ ठाँउमा टायर बालेर प्रदर्शन भएका छन् ।
आन्दोलनकारीले राजधानी वुटवललाई नै बनाउनु पर्ने माग गरेका छन् ।