एजेन्सी ।
काराबाओ कपको जारि सिजनमा लिभरपुललाई पेनाल्टीमा हराउँदै आर्सनल क्वार्टरफाइलनमा प्रवेश गरेको छ ।
बिहीबार राति भएको खेलमा निर्धातिर समयमा कुनै पनि गोल हुन नसकेपछि पेनाल्टीमा आर्सनल ५–४ गोलअन्तरले विजयी भएको हो ।
पेनाल्टी सुटआउटमा आर्सनलका गोलकिपर बर्नाड लेनो नायक बने । उनले लिभरपुलका दुईवटा पेनाल्टी राके । त्यसपछि जो विलकले निर्णायक पेनाल्टीमा गोल गर्दै आर्सनललाई जीत दिलाए । आर्सनलका लागि मोहमद एल्नेनीले पेनाल्टी मिस गरे पनि लेनोले डेभिड ओरिगी र ह्यारी विल्सनको पेनाल्टी रोकेका थिए ।
चार दिनअघि मात्र प्रिमियर लिगमा लिभरपुलसँगै ३–१ गोलअन्तरले पराजित भएको थियो ।
आर्सनलको हिजोको जितबाट म्यानेजर मिकेल आर्टेटा खुसी देखिए । लिभरपुलमाथिको जीतसँगै उनले आफ्नो टोलीले एक कदम अगाडि लिएको जिकिर गरे ।
अब अन्तिम आठमा आर्सनलले म्यान्चेस्टर सिटीको सामना गर्नेछ ।
