असोज १२ काठमाण्डौं । ९ बर्षको अवधिमा १९ औं पटक चिकित्सा स्वास्थ्य क्षेत्र सुधारका माग राखेर गत भदौ २९ गते जुम्लाको चन्दननाथपुरबाट अनसन थालेका डा. गोविन्द केसीको स्वास्थ्य कमजोर बन्दै गएको छ ।
उनलाई प्रहरीले जबरजस्ती ट्रमा सेन्टरमा लगेको थियो तर पछि शिक्षण अस्पतालमा उनको उपचार जारी छ । उनले १९ औं सत्याग्रह थालेको १४ दिन पुगेको छ ।
उनलाई कुनै पनि बेला आईसियुमा हाल्नु पर्ने अवस्था आउन सक्ने चिकित्सकहरुले चेतावनी दिएका छन् । शरीरमा पानीको मात्रा समेत कम भएको बताईएको छ ।
२०६९ साल असार देखि उनले पहिलो पटक अनशन बसेका थिए ।
डा. केसीको अनसनको समर्थनमा देशभर हजारौ मानिसहरुले सडकमा प्रदर्शन पनि गरेका थिए ।
त्यस पछि उनले पटक पटक माग पूरा नभए पछि बाहिरी जिल्लाहरुमा गएर पनि अनशन गरेका छन् ।
उनले चिकित्सा क्षेत्र सुधार, आईओएममा वरिष्ठता र मापदण्डका आधारमा पदाधीकारी नियुक्ति लगायतका माग राख्दै आएका छन् ।
सरकारले पटक पटक डा. केसीसगँ वार्ता गरेर सहमति गरे पनि सहमति कार्यन्वयन नभएको डा. केसीले बताउदै आएका छन् ।
यस पटक सरकारले वार्ता बारे समेत कुनै चासो दिएको छैन ।