काठमाडौँ , ४ असोज ।
कोरोना महामारीका कारण ठप्प रहेको हवाइ व्यावसाय सात महिनापछि खुल्न लागेको हो ।
सात महिना पछि खुल्न लागेको आन्तरिक उडानको भाडादर सुरूवाती दरमा सरुतोमा खुलेको छ। एयरलाइन्सहरूले सिमित उडान अुोज ५ गतेबाट खुलाउने निर्णय गरेसँगै सुरूवाती भाडाबाट उडान खुल्ने भएको छ।
एयरलाइन्सहरुले सरकारले तोकिदिएको भाडाको तल्लो आधारबाट भाडादर लिइरहेका छन्।
एयरलाइन्सहरूले खुलाएको टिकट बुकिङअनुसार काठमाडौंबाट बाहिरिने यात्रुका लागि सदाको भन्दा ५० प्रतिशत कममा टिकट बुकिङ खुलाएको हो ।
सरकारले विभिन्न तहका लागि भाडादर तोकिदिएको हुन्छ। जसमा एयरलाइन्सहरूले माग धेरै हुँदा भाडादर बढाउछन् भने थोरै हुँदा घटाउने गर्छन्।
तर, अधिकतमभन्दा बढी लिन भने पाउँदैनन्।
बुद्ध एयरले नेपालगञ्जका लागि खुलाएको बुकिङमा भोलिका लागि ५५ सय भाडादरमा अहिले टिकट उपलब्ध भइरहेको छ भने यति एयरलाइन्सको ४३ सयमा।
नेपालगञ्जको अधिकतम भाडा ११ हजार रुपैयाँसम्म लिने गरिएको छ। यद्यपी यो भाडामा इन्धनको मूल्य तलमाथि हुँदा हेरफेर हुन्छ।
यद्यपी यो भाडादर बेलुका वा भोलिसम्म अझै बढ्नसक्छ।
