काठमाडौँ , १९ भदौ ।
नेपालमा गएको २४ घण्टामा ४ महिला सहित १४ जना कोरोना संक्रमितको मृत्यु भएको छ । आज १४ जनाको मृत्यु भएसगैं नेपालमा कोरोनाका कारण ज्यान गुमाउनेको संख्या दुइ सय ७१ पुगेको स्वास्थ्य मन्त्रालयका प्रवक्ता डा,जागेश्वर गौतमले जानकारी दिनुभयो ।
गौतमका अनुसार आज ४ महिला र १० पुरुषगरी जम्मा १४ जनाको निधन भएको हो ।
नेपालमा पछिल्लो समय कोरोना संक्रमितको मृत्युदर बढ्ने क्रममा रहेको छ ।
मृत्यु हुनेमा चार महिला र १० पुरुष रहेका छन् । आज काठमाण्डौमा मात्रै तीन जनाको मृत्यु भएको छ । काठमाडौंका ८२, ६७, २२ र चितवनकी ३५ वर्षीया महिला रहेका छन् ।
यस्तै सप्तरीका ५५ वर्षीय दुई पुरुष, धनुषाका ६५, कास्कीका ३१, नवलपरासीका ३७, प्युठानका ५८ , रुपन्देहीका ७८, पाल्पाका ६३ र सुर्खेतका ४२ वर्षीय पुरुषको पनि मृत्यु भएको छ ।
यो सगैँ कोरोनाबाट मृत्यु हुनेको संख्या २ सय ७१ पुगेको छ । नेपालमा संक्रमितको कुल संख्या ४४ हजार २३६ पुगेको छ । डिस्चार्ज हुनेको संख्या २५ हजार ५६१ पुगेको छ।