पर्सा, १४ भाद्र । पर्साको बिभिन्न स्थानहरुबाट वडा प्रहरी कार्यालय श्रीपुरले अवैध मालसमान बरामद गरेको छ । चोरी तस्करी गरी अवैध तरिकाले नेपाल भित्रयाउने क्रममा वडा प्रहरी कार्यालय श्रीपुरको टोलीले मालसमान बरामद गरेको हो ।
वडा प्रहरी कार्यालय श्रीपुरका प्रमुख प्रहरी निरीक्षक दिपक साहको निर्देशनले खटिएको प्रहरी टोलीले बिभिन्न स्थानहरुबाट प्रतिबन्धित केफ्ट्रागार्ड औषधी १ कार्टुन, केराउ ३५० किलो, चिनी २५ केजी, लाईफव्याय साबुन १ पेटि, सेम्पु १ पेटि, कसमेटिक सामग्रीहरु २ पेटि, हार्डवेयर, कपडा लगायतका करिब १ लाख ५० हजार बराबरको सामग्रीहरु रहेको प्रहरी निरिक्षक साहले बताए ।
भारतबाट अवैध तरिकाले विभिन्न नाकाहरुबाट नेपाल भित्रयाई रहेको अवस्थामा सामानहरु बरामद गरी भन्सार दाखिला गरेको पर्सा प्रहरीले जनाएको छ ।
यसअघि पनि वडा प्रहरी कार्यालय श्रीपुरले करिब १ लाख ५० हजार बराबरको अबैध सामग्री बरामद गरी भन्सार दाखिला गरिसकेको समेत प्रहरी निरिक्षक साहले बताए ।
